اوستاد  دكتر صمد سرداري نيا- نين ايل دؤنومو ياس تؤره ني تبريزده كئچيريلدي

سه‌شنبه  ۲۵ فروردين ۱٣٨٨ -  ۱۴ آوريل ۲۰۰۹  

اؤیرنجی: بوگون تبريز شهرينين انگجي مچيدينده اوستاد صمد سرداري نيا-نين ايل دونومو ياس توره ني كئچيريلدي. بو مراسيمده آذربايجانين چئشيدلي شهرلرينده ن (اورمو-زنگان-اردبيل-سولدوز-خوي-تهران-موغان –و...)ميللي و مدني چاليشقانلار ايشتراك ائتميشديلر. هاوانين سويوق و قارلي اولماسينا باخمادان آذربايجان ميلتينن ضياليلاري و ميللي چاليشقانلاري اوز حضورلارينان بو مجليسه زنگينليك باغيشلاميشدير لار. هابئله بو توره نده تبريزين كئچميش ميلت وكيلي و 9–جو جمهور باشقانی آدايي دكتر اكبر اعلمي ده حضور تاپميشدي.

دئمك گركير باشقا ميللي توره نلره تاي، بو مراسيم آغير امنيتي و انتظامي باسقيلار آلتيندا كئچيريلدي و امنيتي قوه لر بوتون ميللي چاليشقانلارين گل گئت لرين گوز آلتينا آلميشديلار.

اوستاد سرداري نيا  آذربايجان تاريخي اوزه ليكله چاغداش تاريخيميز و مشروطه تاريخي حاقدا چوخ آراشديرمالار آپاريب  و اثرلر ياراتميش. او جومله ده ن: مركز غيبي تبريز، تبريز بيرينجي لر شهري، قاراباغ تاريخي، ائرمني لرين  ياراتديغي سوي قيريملار، آذربايجان آدليملاري،....

روحو شاد يولو داواملي اولسون