ایلهام علییئو: "قاراباغ  هئچ بیر زامان موستقيل اولماياجاق" 

سه‌شنبه  ۱٨ فروردين ۱٣٨٨ -  ۷ آوريل ۲۰۰۹

 اؤیرنجی: ایلهام علييئو، دؤولت تهلوکه سيزليک شوراسيني ييغدي.آذربايجان ليدئري ايلهام علييئو، "بؤلگه ده دييشن سيياسته گؤره بيز ده دييشه جگيک" دئدي. آذربايجان تهلوکه سيزليک شوراسيني ييغان جمهور باشقانی ايلهام علييئو، تورکييه - ائرمنيستان سرحدي نين آچيلاجاغينا داير خبرلره اوستو باغلي رئاکسييا وئردي. 

  علييئو، "هئچ بير دؤولتين ايچ ايشلرينه قاريشميريق. بؤلگه ده دييشن سيياسته گؤره بيز ده دييشه جگيک" دئدي.  

 جیهان خبر آژانسی نین یایینلادیغی خبره گؤره،  آذربايجان جمهور باشقانی ايلهام علييئو، ائرمني ايشغالي آلتينداکي يوخاري قاراباغين هئچ بير زامان موستقيل اولماياجاغيني، دونيا بيرليگي نين هئچ بير زامان قاراباغين موستقيلليگيني تانيماياجاغيني ايفاده ائده رک، "ئرمنيستان بونو آرتيق آنلامالي" دئدي.

  باخان لار و اوست سويييه صلاحيتلي لرين ايشتيراکييلا کئچیریلن مصلحتلشمه ييغينجاغيندا دانيشان علييئو، "آذربايجان خالقي و دؤولتي بو ايشغالي (ائرمنيستانين) ائتنيک تميزليک سيياستيني و کئچيجي تورپاق ايتکيسيني هئچ بير زامان قبول ائتميه جک" دئدي.  

  علييئو، "تورپاقلاريميزداکي کئچيجي ايشغالين سونا چاتديريلماسي حاقلي بير سببدير. اولوس لار آراسی حوقوق بونو آنلايير و دستکله يير" دئيه رک، ائرمنيستانين بو گئرچک لري قبول ائتمه سي لازيم اولاجاغيني و قاراباغ پروبلئمي نين حلله قوووشاجاغيني اوميد ائتديک لريني سؤيله دي.  

  صولح سئور حلي آماجلایان موذاکيره مودتينده هر واخت قورولوشچو توتوم سرگيله ديک لريني و مودتجه باغلي قالديقلاريني ايفاده ائدن علييئو، ائرمنيستانين دا قورولوشچو اولماسي لازيم اولدوغونو وورغولادي.  

  اؤلکه ده کي  ايجتيماعي و سياسي اينکيشافلاري دا دیرلنديرن علييئو، آذربايجاندا ثابيتليک اولدوغونو، 18 مارتدا ائديلن رئفراندومون نتيجه لري نين خالق ايله ايقتيدار آراسينداکي بيرليگين گوجلنديگي نين گؤستريجيسي اولدوغونو ايفاده ائتدي.  

  اؤلکه سي نين موستقيل سيياست ايجرا ائتديگيني، بو سيياستين ميللي چيخارلار اوزرينه قورولدوغونو يازان علييئو، "ميللي منفعت لريميزين قورونماسي بيزيم اوچون پريوريتئتدير. بو سيياست بوندان سونرا دا داوام ائتديريله جک" دئيه دانيشدي.  

  ايقتيصادي اينکيشافلارا دا توخونان علييئو، دونياداکي ايقتيصادي بؤحراندان اؤتري بير چوخ اؤلکه نين ميللي پوللاري نين ديري نين آزالديغينا ايشاره ائده رک، آذربايجاندا بونون ياشانماديغيني و بو بؤحراندان ان آز تاثيرلنن اؤلکه اولدوقلاريني ايفاده ائتدي.  

  دونيادا ايقتيصادي بؤحرانا باخماياراق آذربايجان ايقتيصادياتي نين گئده رک داها دا گوجلنديگيني بيلديرن علييئو، بو ايلين ايلک دؤردده بيرينده نئفت خاريجي سئکتوردا يوزده 14 نيسبتينده آرتيم گؤرولدويونو قئيد ائتدي.