اینسان حاقلاری گوزتچیسی ائرمنیستانی تنقید ائدیب
پنجشنبه ٨ اسفند ۱٣٨۷ - ۲۶ فوريه ۲۰۰۹
آپاریجی اینسان حاقلاری قروپو ائرمنیستانی 2008-جی ایلده پایتاخت ایرواندا ایغتیشاشلارلا باغلی غرضلی آراشدیرما آپاردیغینا گؤره تنقید ائدیب. قرارگاهی نیویورکدا یئرلشن اینسان حاقلاری گوزتچیسی تشکیلاتی بیلدیریر کی، ائرمنیستان زوراکیلیقلارلا باغلی ساختا و سیسی موتیولر اساسیندا محکمه پروسئسلری آپاراراق، اونلارلا موخالیفت فعالینی محکوم ائدیب. قروپ بیلدیریر کی، ائرمنیستان پولیسین گوناهکارلیغینی آراشدیرماییب. Human Rights Watch حئساباتینا اساساً، پولیسین بعضن ایفراط گوجدن ایستیفاده ائتدیگی، نوماییشچیلری دؤیدوگو و اونلارا قارشی اودلو سلاح ایشلتدیگی تامامیله آیدیندیر. لاکین قروپون بیلدیردیگینه گؤره، ائرمنیستان ایفراط گوجدن ایستیفاده ائدن هئچ بیر شخصی حبس ائتمهییب.
2008-جی ایلده پرئزیدئنت سئچکیلریندن سونرا ایرواندا پولیس و موخالیفت طرفدارلاری آراسیندا توققوشمالار زامانی اون نفر هلاک اولموشدور. نوماییشچیلر باش ناظر سئرژ سارکیسیانین غلبهسیله نتیجلنمیش سئچکیلرین ساختالاشدیردیغینی بیلدیریردیلر. نوماییشچیلر موخالیفت لیدئری، سئچکیلرده ایکینجی اولان کئچمیش پرئزیدئنت لئوون تئر-پئتروسیانین طرفداری ایدیلر. ائرمنیستان حکومتی نومایشلره جاواب اولاراق 20 گون عرضینده قاداغان ساعتی تطبیق ائتمیشدی. //آمریکانین سسی
نظر دهید