103 گونلوک ایشگنجهدن سونرا آزادلیق، اما 100 مین دوللار گیروو موقابیلینده
اودگون(چهارشنبه) ۷ اسفند ۱٣٨۷ - ٢٥ فوريه ۲۰۰۹
گونئی آذربایجان میللی حرکات فعالی موهندیس عبدوالله عباسی جوان 103 گون ائوین حبسخاناسینین 209-جو کامئراسیندا آغیر ایشگنجه و تضییقلردن سونرا 100 مین دوللار دیرینده گیروو قویماقلا 23 فئورال تاریخینده مووقتی آزادلیقا بوراخیلیب.
قاینار.اینفو-نون داک.آز-آ ایستینادن وئردیگی خبره گؤره، سویداشیمیزی آناسینین وفاتیندان بیر نئچه ساعت سونرا آزادلیغا بوراخیلیب.
تئهران اینقیلاب محکمهسینین 11-جی شؤعبهسینده عبدوالله بیه قارشی حاکمیت علئیهینه موباریزه ایتیهامی ایرهلی سورولوب. اما محکمهنین نه واخت اولاجاغی هله بللی دئییل.
عبدوالله بی حبسده اولدوغو مدتده هئچ بیر وکیلله تأمین ائدیلمهییب و عائلهسیله گؤروشمهسینه ایمکان یارادیلماییب.
103 گون ائوین حبسخاناسینین 209-جو کامئراسیندا آغیر فیزیکی و روحی ایشگنجهلره معروض قویولوب.
خاطیرلاداق کی، عبدوالله عباسی جوان کئچن ایلین یون آییندا دا حبس ائدیلهرک، 130 گون همین حبسخانادا ایشگنجه و تضییقلره معروض قالیب.
سونونجو دفعه ایسه سویداشیمیز 12 اوکتیابر 2008-جی ایل تاریخینده تئهراندا ستارخانین آنیم مراسیمینده اطلاعات مأمورلاری طرفیندن حبس ائدیلیب.
عبدوالله عباسی جوانین آتاسی 1980-جی ایلده سولدوز شهرینده تئرروریست کورد سلاحلیلارینا قارشی موباریزهده شهید اولوب. همین دؤورده کورد سلاحلی قروپلاری گونئی آذربایجان شهرلری سولدوز، اورمیه و باشقا شهرلری اله کئچیرمک مقصدیله سلاحسیز آذربایجانلیلارا هوجوم ائتمیش، لاکین یئرلی اهالینین مقاومتینی سیندیرا بیلممیشلر.// قاینار
نظر دهید