آذربایجاندا اینسان حاقلا‌رینا دایر حئسابات قبول اولونا‌جاق

شنبه  ۱۹ بهمن ۱٣٨۷ -  ۷ فوريه ۲۰۰۹

ب.م.ت اینسان حاقلاری شوراسیندا قیسساجیق دونیا دؤوری چرچیوه‌سینده آذربایجاندا اینسان حاقلارینا دایر حئسابات قبول اولونا‌جاق. فئورالین 6- دا قبول اولونا‌جاق حئسابات آذربایجان حکومتی، تمثیلجی لر آپاراتی، یئرلی و اولوسلارآراسی غئیری- حکومت تشکیلاتلارینین رای‌لری اساسیندا حاضیرلانیب.

ب.م.ت اینسان حاقلاری شوراسینین قیسساجیق دونیا دؤوری چرچیوه‌سینده ب.م.ت اویه سی اولان 192 اؤلکه‌ده کی اینسان حاقلارینا دایر دوروم 4 ایلدن بیر موذاکیره ائدیلیر.

حاضیرلانان حئساباتدا قورومون اؤلکه‌لر باره‌ده یئکون قئیدلری و تؤوصیه‌لری یئر آلیر.

بمت-نین اینسان حاقلاری اوزره عالی کومیسسارلیغینین نماینده‌سی تئیمور ملیکاسلانووون سؤزلرینه گؤره، اینسان حاقلاری شوراسینین آذربایجان اوزره حئساباتینین حاضیرلانماسیندا چئشیدلی قوروم‌لاردان قبول ائدیلن رای‌لر نظره آلینیب.

ایکی گون اول شورانین قورولتلییندا هئسابات موزاکیره اولونوب. موزاکیره‌لرده حکومتی خاریجی ایشلر ناظری‌نین مواوینی خلف خلفوو تمسیل ائدیب.

خلف خلفوو آذربایجانین اینسان حاقلارینین دورومونا گؤره تنقیده معروض قالدیغی مسئله‌لرله باغلی ایشچی قوروپون اویه لری‌نین سورغولارینا جاواب وئرمه‌لی اولوب.

شورانین قورولتاییندا آذربایجانلا باغلی یئکون قئیدلر و تؤوصیه‌لر قبول اولونا‌جاق.

بو تؤوصیه‌لر آراسیندا اولوسلارآراسی ایستاندارد‌لارا اویغون اولا‌راق سؤز آزادلیغینین تامینی، ژورنالیست و حقوق مدافعه‌چی‌لرینه قارشی جینایت و زوراکیلیغین ثمره‌لی آراشدیریلماسی و گوناهکارلارین جزالاندیریلماسی، تنقید سؤیله‌ین ژورنالیست و QHT اویه‌لری‌نین دؤولت مامورلاری طرفین‌دن محکمه‌یه جلب اولونماسی ایشلرینه سون قویولماسی، سربست توپلاشما آزادلیغینین تامینی، حبسده اولان ژورنالیست‌لرین آزادلیغا بوراخیلماسی و خاریجی رادیولارین FM دیازپوزونوندا یاییمینین دایاندیریلماسی قرارینا یئنی‌دن باخیلماسی وار.  بی.بی.سی آذری.

  بو خبر اؤیرنجی طرفیندن کؤچورولموشدور.