فارس شووینیست رئژیمی آذربایجان تورکلرینین حقوقلارینی پوزور
ائلگون(شنبه) ۱۲ بهمن ۱٣٨۷ - ٣۱ ژانويه ۲۰۰۹
"یوزمینلرله سویداشیمیزین آنا دیلینده تدریس طلبینی ایرهلی سورمهسی بو رئژیمین آذربایجان تورکلرینه میللی- مدنی حقوقلارینی وئرمه مه سینین نتیجهسیدیر"
سون گونلرده گونئی آذربایجانین تبریز، اورمییه، اردبیل، زنجان، ماراغا، خوی، همدان و باشقا شهرلرینده آنا دیلینده تحصیل طلبیله ایمضا توپلاما کامپانیاسی حیاتا کئچیریلیر. "آذربایجان تورکجهسینده تحصیل" کامپانیاسی بیر مدت اؤنجه تبریز شهرینده باشلانیب، بو کامپانیادا گونئی آذربایجانین بوتون طبقهلری ایشتیراک ائدیر. ایمضالار بازارلاردا، ایدارهلرده، دؤولت و اؤزل ایش یئرلرینده، ایش یئری و فابریکلرده، مکتب و اونیوئرسیتئتلرده اهالینین ایشتیراکیلا حیاتا کئچیریلیر. آرتیق یوز میندن آرتیق سویداشیمیز ایران آنایاساسی نین 15 و 19- جو مادهلرینده نظرده توتولان بوتون ایستک لرین ایجراسینی اؤز ایمضالاری ایله طلب ائتدیکلرینی بیلدیریبلر. ایمضا توپلاما کامپانیاسی 21 فئورال عموم دونیا آنا دیلی گونونه قدر سورهجک. توپلانان ایمضالار ایرانین دؤولت رسمیلرینه، پارلامئنته و اولوسلار آراسی تشکیلاتلارا گؤندریلهجک.
مسئله ایله باغلی فیکیرلرینی اؤیرندیگیمیز کلاسیک خالق جبههسی پارتیاسی (KXCP) عالی مجلیسینین صدری زلیمخان محمدلی گونئی آذربایجاندا سویداشلاریمیزین آذربایجان تورکجهسینده تحصیل طلب ائتمهسی مسئلهسینین یئنی اولمادیغینی بیلدیردی. اونون سؤزلرینه گؤره، عمومیلیکده، گونئی مسئلهسی سون واقتلار داهادا آرتیق چالیشیق گؤسته ریب کی، ایمضا توپلاما کامپانیاسی دا بو چالیشمالارین بیر حیصهسیدیر. KXCP عالی مجلیسینین صدری گونئی آذربایجاندا باش وئرن سورج لرین کنار قوهلرین موداخیلسی ایله ایلگی سی اولمادیغینی دا وورغولادی. بو، میللتین اؤزونون روحو و ایستیقلال عشقی ایله باغلی اولان مسئلهدیر. یعنی 19-جو عصرین اوللرینده ایکی یه بؤلونموش آذربایجانین بیرلیگی اوغروندا اولان موباریزه هر زامان چالیشقان اولوب. بو موباریزهلرده دؤرد دوشونجه یوکسهلیشی اولوب کی، حاضیردا بئشینجیسینین یاخینلیقینداییق و بو یوکسلیشه کئچیدی یاشاییریق: "حساب ائدیرم کی، میللتین بو اوزون سورجلی موباریزهسی تصادفی دئییل. حتی اوچ- دؤرد نسیل دییشمهسینه باخمایاراق میللتین یئنه ده ایستیقلال موباریزهسینده اولماسی اونون روحوایله باغلیدیر. ژئوسیاسی گؤرونتونون دییشمهسی، گلوباللاشما و بئین الخالق گوج مرکزلرینین توققوشماسینین فونوندا معین زامانلاردا گونئی مسئلهسی اوچون ده موناسیبت شرایط یارانیر. عینی زاماندا بو توققوشمالاردان گونئی آذربایجاندا یاشایان سویداشلارمیز دا اذیت چکیر. ان آزی 21 آذر حرکاتینی یادا سالساق گؤره ریک کی، سویداشلاریمیز هانسی بلالارا دوچار اولوبلار. فارس رئژیمی فورصتدن یارارلانیب مینلرله آذربایجان تورکونو قتله یئتیریب و ایستیقال موباریزهسینی کئچرگی(موقت) اولاراق یاتیردیب". گونئیلی سویداشلاریمیزین یئنه ده میدانلاردا اولدوغونو دئین زلیمخان محمدلی آذربایجان تورکلرینین یالنیز اؤز حاقینی ایسته دیگینی وورغولادی: "تئوکراتیک بیر رئژیم اولان و ایسلام پردهسی آلتیندا میللتلری ایستیثمار ائدهرک اللهسیزلیق سیاستی یورودن ایران رهبرلری 30 میلیونا یاخین آذربایجان تورکونون میللی حاقلارینی آیاقلایاراق، حتی مدنی حاقلارینی دا الیندن آلیر. بو بیر میللتی سیخیشدیریب سیرادان چیخارماق سیاستیدیر. بئله بیر سیاستین جاوابی کیمی اورتایا قویولان ایستیقلال موباریزهسینین سونودا اؤزگورلوکله سونوجلاناجاق". زلیمخان محمدلینین فیکرینجه، گونئیلی سویداشلاریمیزین اؤز دیلده تحصیل ایستمه سی طبیعیدیر: "نه قدرکی، تئوکراتیک فارس رئژیمی وار، آذربایجان تورکو خوش گون گؤرمهیهجک. نه قدرکی، سویداشلاریمیزی آسیملیاسیا سیاستینه معروض قویماق پلانلاری وار، میللی موباریزه ده داوام ائدهجک. گونئی آذربایجان تورکلرینین موباریزهسینین سون مرحلهسی ایسه بوتؤو آذربایجان ایده آلینین تام گونده مه گلیب، بئین الخالق ساحه ده موذاکیرهسینه قدر داوام ائتمهسی اولاجاق: "بو گون یوز مینلرله اینسانیمیز یئنی آنا دیلینده تحصیل ایستگی ایله ایمضا توپلاما کامپانیاسینا قوشولماسی ایران رئژیمینین آذربایجان تورکلرینه اساس میللی- مدنی حقوقلارینی وئرمه مهسینین نتیجهسیدیر". KXCP عالی مجلیسینین صدری ایران حاکمیتینین بئین الخالق تئرروریزمی دستکلهین، اویوشدوروجوتیجارتی حمایه ائدن قورخولو رئژیم کیمی قبول اولوندوغونو دا وورغولادی. اونون فیکرینجه، ایران رئژیمی نه این کی غیر قانونی، بشریت اوچون تهلوکه دوغورور. بئله رئژیمین چؤکمهسی ده طبیعی سورج کیمی اورتایا چیخاجاق: "بو رئژیم چالیشاجاق کی، یئنیدن آیاغا قالخان میللتین اؤزگورلوک موباریزهسینی بوغسون. اما حاضیردا هم ایرانین داخیلینده، هم ده دونیادا توپلومسال رای رئژیمین علیهینهدیر، بودا رئژیمین چؤکوشونو قطعی ائدیر. ایرانین ایندیکی رئژیمینین ایفلاسا اوغراماسینی ان آزی ایسرائیل- فلستین گرگین لیگی زامانی دا گؤردوک. بو رئژیمین ساختالیغی زامان- زامان ثبوت اولونوب و اونون چؤکوشوده باش وئرهجک: "گونئیلی سویداشلاریمیز اؤزلرینه و روحلارینا گوونمهلی، حاقلاری اوغروندا موباریزه نی داوام ائتدیرمهلیدیرلر. آذربایجان تورکلری نه قدر جیدی، سیستئملی موباریزه آپارابیلسهلر، او قدر ده ایتکیلری آز اولاجاق و ایستیقلالا چاتاجاقلار" / تورال، خالق جبههسی /
|
نویسنده: آیشن بختیار
سلاملار. یاشاسین تورکلر. تورکلر چی انقلاب ائله دیلر آمما هله ده ایستکلرینه یئتیشمه ییب لر اوز آنادیللرینده بئله یازیب اوخوماقلاری یاساق دیر
آمما بیر گون بیلیرم:
بو یاساق دیللی ائلین دردینه درمان گله جک
یاشاسین تورکلر
|
نظر دهید