بو گون 31 یانوار – میللی اوندر محمد امین رسولزادهنین دوغوم گونودور
شنبه ۱۲ بهمن ۱٣٨۷ - ٣۱ ژانويه ۲۰۰۹
آمئریکانین سسی: آذربایجان دئموکراتیک جومهوریتینین قوروجولاریندان بیری، میللی شورایا رهبرلیک ائتمیش محمد امین رسولزادهنین 50 ایلدن آرتیقدیر کی، رادیوموزون آرخیوینده قورونوب ساخلانیر.
1953-جو ایلین 28 ماییندا آمئریکانین سسی رادیوسو آزربایجانین جومهوریت قوروجوسونون موصاحیبهسینی یایینلایاندا، آرتیق رسولزادهنین اؤزو ده، اونون قوردوغو دئموکراتیک جومهوریت ده باکیدا سیاسی ذهنلریندن سیلینمیشدی. بو، او واختکی سیاسی رئاللیقلارلا علاقهدار ایدی.
صاباح ایسه، محمد امین رسولزادهنین دوغوم گونودور. آذربایجاندا علم آداملاری و سیاسی خادیملر جومهوریت بانیسینین 125 ایللیگینی یادا سالسالار دا، اونون عزیزله مه توره نی دؤولت سویهسینده قئید اولونمور.
رسمیلر بونو بئله اساسلاندیریرلار کی، جومهوریت قوروجولاریندان یالنیز رسولزادهنین فرقلندیریلمهسی باشقالارینا قارشی آیری-سئچکیلیک اولاردی. بو یاناشمانین علئیهدارلاری ایسه بیان ائدیرلر کی، دؤولت گرک اؤز میللتینین تاریخینه ییه چیخسین:
پروفئسور، تاریخ علملری دوکتورو جمیل حسنلی ایسه آمئریکانین سسینه موصاحیبهسینده آذربایجان خالقینین و دؤولتینین رسولزادهنین رئال قیمتینی وئردیگینی دئییب. بونونلا یاناشی او، میللی خادیمین 125 ایللیک عزیزله مه سی نین دؤولت سویهسینده قئید اولونماماسینی منفی حال ساییر. هرچند، تاریخچی-عالیم علاوه ائدیر کی، رسولزاده توره نسیز ده قلبلرده یاشاییر:
“رسولزادهنین ان بؤیوک خیدمتی اودور کی، اونون کئچدیگی حیات یولو وطنه، میللته و دؤولته خیدمت نومونهسیدیر. او، قئید ائدیردی کی، موستقیللیگی اولمایان میللت آزاد اولا بیلمز. 1918-جی ایلین مای آیینین 28-ده رسولزادهنین رهبرلیگی ایله ایستیقلال بیاننامهسینین اعلان اولونماسی ایله، او زامانا قدر جوغرافی بیر کلمه اولان آذربایجانا، رسولزاده سیاسی مضمون وئردی. و او واختدان اعتباراً دونیانین سیاسی خریطهسینه آذربایجان آدلی بیر دؤولت داخیل اولدو...
1990-جی ایللرده آذربایجان اؤز موستقیللیگینه یئنیدن قوووشدوقدان سونرا رسولزادهنین کئچدیگی حیات یولونون، سیاسی موباریزهسینین و موهاجیرت دؤورونون اؤیرنیلمهسی ایستیقامتینده چوخ ایشلر گؤرولوب. بئلهلیکله، تاریخی موستویده رسولزاده ایله باغلی چوخ ایشلر گؤرولوب. سیاسی موستوییه گلدیکده، واختی ایله رسولزادهنین قالدیردیغی بایراق بو گون ده آذربایجان جمهوریتی نین باشی اوزرینده دالغالانیرسا، بو، رسولزاده ارثینین یاشاماسیدیر...
رسولزادهنین آنادان اولماسینین 125-جی دوغوم گونو دؤولت سویهسینده قئید ائدیلمهلی ایدی. چونکی اونون آذربایجان میللتینین طالعینده و تاریخینده موستثنا رولو وار. دؤولتین بورجو ایدی کی، بونو ائتسین. آذربایجان دؤولتی ده، میللتی ده فخر ائتمهلیدیر کی، اونون تاریخینده رسولزاده کیمی آدام اولوب.
آنجاق من بئله باشا دوشورم کی، اصل هیکل اینسانلارین اوریینده اولور. من امینلیکله دئیه بیلرم کی، آذربایجانلیلارین بؤیوک بیر حیصه سی نین اوریینده رسولزادهنین مؤهتشم عابدهسی وار"./اویرنجی
نظر دهید