مهندس صرافي، تبریز شهرینده آذربايجانين اؤلمز ميللي چاليشقاني، مهندس امانينين عائله سينه باش ساغليغي وئریب
اؤیرنجی نیوز: www.oyrenci.com
يئيگون(جمعه) ٢٤ آبان ١٣٨٧ - ١٤ نوامبر ٢٠٠٨
اؤیرنجی
نیوز: بوگون آپارتايد دوستاغيندان يئني آزاد اولموش ميللي چاليشقان،
مهندس عليرضا صرافي تبريز شهرينده رحمتليك مهندس غلامرضا اماني نين
عائله سي ايله گؤروشوب و اونلارا باش ساغليغي وئریب و بو ايتگي دن
كدهرلنمهسين بيلينديردي. صرافی جینابلاری اؤزهليكله مهندس امانينين
حيات يولداشي، گونش خانيما توخداقليق وئريب و دؤزوملو اولماسين ريجا
ائتدي. سونرا صرافی بی مارالان قبریستانیندا مهندس اماني و قارداشلارينين
مزاري اوسته حاضير اولوب، اولو تانريدان اونلارا رحمت ديلهدي.
هابئله
بو گون مهندس صرافي، رحمتليك اوستاد دوقتور صمد سردارينيانين
ائوينده حاضير اولوب، اوستادين عائله سي ايله گؤروشدو و آردينجا تبريزين
وادي رحمت قبرستانينا گئديب، اورادا اوستاد سردارنيانين مزارين زيارت
ائتدي. صرافی جینابلاری بو قبریستاندا باشقا ميللي شخصيتلر و
چاليشقانلاريميزيندا مزاري اوسته حاضير اولوب فاتحه اوخودو.
اؤیرنجی نین خبرینه گؤره بو گؤروش و زيارتلرده، ميللي چاليشقانلاريميزدان نئچه سي مهندس صرافي ني يولداشليق ائديرديلر.
نظر دهید