ایصلاحات اولدو, اولوم اولسون ایصلاحاتا - اولدوز خان

پنج‌شنبه  ٣۱ ارديبهشت ۱٣٨٨ -  ۲۱ می ۲۰۰۹

اویرنجی سیته سینده خاتمی نین جوک لینکین گورنده ن سونرا  بوتون بئینیمده یئرله شن ایراندا  ایصلاحات مفکوره سی  داغ ییخینتی سی تکین اوستومه ییخیلدی. ند ه ن  بو سوزون چیخماسی منی شاشیرمیشدیر. شهروند حاقلاری , ایران ایرانلیلار اوچون , مدنیتلر دیالکتیکلری  , یاساچیلیق , رئفورموچولوق , موعتزله مفکوره سی , دین ضیا فیکیرلیگی , اکثریت ایراده سی , اقلیت حاقلاری , کیان حالقاسی ,  عبدالکریم سروش , ایصلاحچیلار تئورسینی , ایصلاحچیلار جانبازی (حجاریان) , جامعه , نشاط , توس , زنجیرلی اولوملر ,  اوزو گولوشلو سئیید ,  وووو .... 11 ایل ائشیددیگیم , ایران آتموسفئرینده ,  بوتون سوزجوکلر ان پیس شکیلده بئینیمده , دوشونجمده , آلچاقلاندی. خاتمی  ایراندا رئفورمو  تمثیل ائده ن ملا و سیاستچی و (اوز فیکیریجه  )ضیافیکیر ,  بو سوزلری آغزینا گتیردیکدن سونرا ایراندان اومودومو اوزدوم .

اصلینده ضیافیکیر ندیر؟ اوز میللتین دردین بیلن و سئچن اونون ساغلامینا چالیشان بیر شخصدیر. خاتمی جینابلاری ! دردیمیزی ساغلاتماق ایسته مه دیک , دردیمیزه خنجر ووروب داها بوندان آرتیق یارالاریمیزی چوخلاتما.

دین ضیافیکیر دئدیگین سوز , چاغداش  دینی آچمازلیقدان چیخارماق دیر , کیان حالقاسینین باشچیلاریندان بیریده خاتمیدیر . کیان حالقاسی دین پرابلئمین گئریچیلیکدن قورتارماق اوزرینده چالیشان بیر توپلومدور.  شیعه نین ضیافیکیری اوز ایمامینا اینانج قایناغینا بئله حورمتسیزلیک ائدیر , اونلاری اینانان اینسانلاری ( اردبیل تورکلرین) قانماز ,  بیلمه ین , آلچاق دوشونجه لی , سانیر . دینین دردین بو ساغلایاجاقمی؟ دینچی نین دردینی بو ساغلایاجاقمی ؟  ایمام علی له فاطمه زهرانی  زینا کار اینسانلار  آدلاندیریر. گولدورمک هانسی ده یرلرییله؟

ایشاره ائدیگیمیز سوزلر دین آچیسندان آراشدیریلیر اما راسیستلیک , اوستونلوک باخیمی و اینانجی ان دئهشتلی و تهلوکلیدیر. هشتاد ایلدیر رسمی شکیلده فارس عیرقیچیلیغی , آریا سویو , اوستون میللت , وحشی تورکلر , کوچری ائللر (تورکلر), قامچی تکین تورک میللتین بئلیندن قانلار سوزدورور. تورک میللتین صبری داشیلمیرمی؟

بوتون مودئرن فئنومئنلری( مشروطه چیلیک , دئموکراسی  و ...) بیز آذربایجانلیلار , ایران آدلانان اولکه یه پای وئرمیشیک. بیزیم پای میز بودورمو؟

چاغداش اینقیلابلاردا(مشروطه اینقیلابی ,  57 اینقیلابی )  آذربایجان تورکلری ایستیبدادا قارشی , اینانجیلا ایشتیراک ائدمیش  و اونون قالدیرماسینا جانیندان مالیندان کئچمیش , اما پای بولمگه گلنده هامیدان دالیا قالدیریلمیشدیر.

خاتمی ( آقای تمدن ) 8 ایل  تمدنلر دانیشیغی سوزویله دونیانین قولاغین کار ائدمیش و ایراندا نئچه لر صداقتلی اینسانین ( آکادئمیک شخصلر , ضیا فیکیر لر , اویرنجیلر , وساییر ...) بئینین , واقتین بئله بئله ایشلرله باشلارین قاتمیشدیر. بودا حاکیمیت وریندن بیر پیلانیمیش؟.

آذربایجان میللتی بو سورکلی ایهانتلری فارس شوونیزمین طرفیندن قورتارماق اوچون  اوز آیاغیندا دورمالیدیر . آذربایجان میللتی , بوجور بوجور فاشیست , راسیست , شوونیزمه اینانان  اینسانلارین چالغیسینا اویمادان , اوز توپراقیندان قالخان مرد ایگیدلرین آرخاسیندا دورماقلا , 80 ایللیک ایسارتین قورتولوشونا سون قویمالیدیر.

حجاریان دئمیشکن (ایصلاحات جانبازی):" ایصلاحات اولدو , یاشاسین ایصلاحات "

بونو ایصلاح ائتمک لازیمدیر. فارس ایصلاحاتی اولدو , اولوم اولسون فارس ایصلاحاتی , اولوم اولسون دین دئوکراسیسی , یازیخلاراولسون , بونلارین (فراس شوونیزمین)ایصلاحاتینا اینانان آذربایجان تورکلری.